Falelotu Malia (Tupu) 'Imakulata
Written by Komti Vahaope   
p8050290.jpg 'Oku ho'ata mai 'e he Falelotu Faka-'Epikopo ni 'a e faifio 'i he 'akiteki pe sipinga tufunga

fo'ufale faka-Tonga  'o ono'aho pea mo onpooni, 'a ia ne 'omi 'e he kau Patele mei 'Iulope. 'A ia 'oku tuifio mo lote ai 'a e 'ilo 'o ono'aho mo onopooni fakatou'osi. 'Oku sipinga pehe ni pe foki mo e Falelotu Pasilika 'o Sangato 'Atonia Patua 'i Kolofo'u, Nuku'alofa.

'Oku kau foki ia he konga mahu'inga e ngaue 'a e Siasi Katolika Loma 'i Tonga mo mamani lahi, 'a hono fakafelotei mo e fakafelavai ko ia 'o lalava 'a e ngaahi 'ilo motu'a mo e fo'ou he ngaahi fonua ne hake'uta atu ki ai e lotu ni mei 'Iulope. 'Oku 'iloa 'aki foki 'a e kau Patele fakamafola 'o e lotu 'a 'enau tu'ukimu'a 'i hono tauhi fakatolonga 'a e ngaahi 'ilo tukufakaholo 'a e ngaahi fonua ne nau fakalotu'i.

Pea 'oku 'asi lelei mai 'a e fa'ahinga laumalie ko 'eni he sipinga tufunga fo'ufale ko 'eni 'i he Falelotu 'o Sangato 'Atonia Patua mo e Faka-'Epikopo 'o Malia 'Imakulata 'i Ma'ufanga.

'Oku ma'u heni 'a e sipinga fuo mo e uho 'o e fale lalava faka-Tonga pea pehe ki he anga faka'aleso Kofiki (Gothic) mo fakakalasika (classical) 'o 'Iulope. Ko e Falelotu mahu'inga foki 'eni 'i he 'uhinga 'e taha, he ko ia kuo fakatapui ko e fakamanatu mo e faka'ilonga'i e ngaahi ouau mo e to'oto'onga tapu 'a e siasi 'oku felave'i tonu pea mo e ngaue pea mo e mo'ui 'a e kau taki faka-'Epikopo 'o e Taiosisi Tonga mo Niue.

 

 

p8050283.jpg 

 p8050286.jpg

 

 

 

 

 

 

 

p8050287.jpg

 p8050239.jpg

 

 

 

 

 

 

 

 

 

 

 

 

  

p8050289.jpg

p8050288.jpg

 

 

 

 

 

 

 

 

 

 

 

 

 

 

 

  

p8050292.jpg

p8050285.jpg

 

 

 

 

 

 

 

 

 

 

 

p8050290.jpg