Home of the Tongan Catholic Schools Community

18th August 2011

Si'oku kaunga fononga 'i he tui,

‘Oku tau fakafeta’i ki he ‘Eiki ‘i he mo’ui mo e ngaahi a’usia lelei kotoa pe kuo fakakaanokato ‘iate kitautolu. Kuo

tau a’usia mai ‘a e faka’osinga ‘o e uike pea ‘oku tau fiefia kuo tau ikuna ‘a e uike ngaue ko’eni neongo ‘oku toe pe

ki’i lau houa si’i. Fakamalo atu he ngaahi ngaue kotoa pe pea kuo toe hanganaki mai ‘a e faka’osinga ‘o e uike mo

hono ngaue lahi. Malo mu’a si’i kau ako tutuku ‘a hono faka’ata’ata homou taimi ki si’etau ngaahi ngaue mo e

ngaahi ongoongo ‘oku fa’a ma’ili hange ha tavake-oma he kupengaope.

Kole pe homou taimi kae fk’ata hotau takanga mo e Lalo Kasia kae fonofono atu pea mou toki fanongonongo

tokoto atu pe ki si’otau kainga kolisi tutuku kotoa. Ko e ngaahi me’a ‘eni ‘oku fakamanatu angalelei atu kemou

fkatokanga’i mo manatu’i ange;

1. ‘Oku fakamanatu atu angalelei pe ‘a ‘etau fakamavae mo Patele ‘Alatini ki he Marrickville

Townhall, pea ‘oku ‘i ai ‘etau ki’i fo’i tau’olunga ke fakahoko ai ko ‘etau fakafiefia’i hotau ako

tutuku ko’eni. He’ikai teu toe lau au ki he ngaahi lelei ‘a e tokotaha ni he ‘oku ‘ikai puli ia kiate

kimoutolu ka mou ‘eiki pe mu’a ‘o me’a mai ketau kau fakataha. Koeha pe koia pe, malo fau.

2. Ako faiva ‘ he Tokonaki he 11 pea ‘oku fkhoko atu ‘a e kole kemou me’a mai ki he ako faiva ketau lava ‘o

ako’i ke vave hono ma’u kae ‘ave atu ngaahi lekooti koia ki he ngaahi vahe kolo ko’ee.

3. Ko e hiva ‘oku lele lelei pe pea ‘oku kole atu kau kolisi tutuku kemou kau hake kiai. ‘Oku fkhoko ‘i he

‘aho Sapate 3pm pea Tuesday 6pm fktou’osi ki he ‘api Patele, Auburn.

4. ‘Oku ‘i ai ‘e tau float ‘i Tonga he katoanga kuo’osi taimi kemou ‘unu’unu mai ketau siofio ‘a hono ngaahi

naunau.

5. Ko e shipping container ‘a ia ‘oku ‘i ai ha naunau fakaako tutuku ‘e fa’oaki ai pea ‘e kau atu ai mo ha’o

puha pe fa’ahinga me’a ‘oku ke loto ke ‘ave ai. Kamata leva ho’o tatanaki kiai he’e mavahe ia ‘i ‘Okatopa

ki Tonga.

6. Ki he ngaahi to’uako kemou kamata kau mai ki he ngaahi ako faiva mo e hiva, unu’unu mai ko ‘etau folau

‘eni ke teuteu mo e anga ‘etau fokotu’utu’u ki he ngaahi teunga, ko e ngaahi project ke fakama’opo’opo, ko

e ngaahi item ke fai ha sio kiai. ‘Oua ‘e teuteu fononga pe ki Tonga ‘o luelue ‘ea pe ai mo e fie Aositelelia

ka ‘oku ‘ikai kau he folau ‘a e fonua fakaluukufua mo hono ngaahi me’a he ‘ilonga makehe ai ho’o ‘ikai

kau ha me’a he kuo pau ke faka’ilonga ‘Aositelelia ‘a e kau folau ia pea mo honau ngaahi ID, mo e pine ‘o

e fonua mo e outfit na’a ke ongo’i ngalingali v*#% ha’o ‘ehi holo he katoanga mo e ‘ikai ha me’a

fk’Aositelelia ‘ia koe ke ngali koe ‘Aositelelia koe.

7. ‘Oku ‘i ai mo e teuteu ki ha’atau timi toko fitu he akapulu, ko e kau taapulu, mo e kau Netball ke kamata

hono fakamalohisino’i kinautolu.

‘Oku ‘i ai pe ngaahi me’a ke toki hoko atu kiai ka mou kataki ‘o kau mai hotau fatongia ki a Patele ‘Alatini, kuo ne

teu me’a atu pea ‘oku tau hounga’ia kotoa pe. Mou me’a aa malo ‘a e ma’u ivi ‘i hono fakahoko hotau ngaahi

fatongia ‘oku ou ‘ofa atu kiate kimoutolu pea malo e ma’u taimi.

Si’oto’ofa atu mo e hufaki

Komiti ‘Apifo’ou.

 Si'oku Kaunga Fononga he Tui,
 
'Oku tau fakafeta'i ki he 'Eiki 'i he ngaahi me'a'ofa kotoa pe 'o e mo'ui kuo tau ma'u pea kuo fakalakalaka ai 'etau mo'ui. 'Oku tau fakafeta'i kotoa pe ki he ngaahi ngaue kuo ne fakaivia kitautolu 'i he tataki 'a e Laumalie Ma'oni'oni 'o malava ketau ikuna'i ai 'a e ngaahi taumu'a mo e fatongia 'oku hoko mai 'i he'etau faifononga.
 
Si'oku kaunga ako 'Apifo'ou, 'oku ou ma'u 'a e loto fiefia mo e fakafeta'ia 'i he'etau a'usia mai 'a e uike fo'ou ko'eni. Malo e lelei pea mo e fuakavenga totoivi 'i he tapa pe mo'ui pea 'oku ou kole angama'ulao 'a ho'o taimi pea mo e pangai 'o e Lalo Kasia ko 'Apifo'o ke 'ataa pe, kae faklamolemole ka ketau fetapa'aki mo talatalanoa foki. Ko e ngaahi me'a 'eni 'a ia 'oku faka'ilo atu kemou mea'i ka kimu'a ia 'oku ou fie fakahoko atu 'eni;
 
'Oku 'oatu 'a e fakamalo lahi 'aupito 'aupito ki ho'omou angalelei ka mou me'a mai 'i he Efiafi Falaite ki he Marrickville Hall 'o tokonia si'i ki'i tau'olunga angavaivai 'a e Kolisi Tutuku 'Apifo'ou. Fakamalo atu kiate ko e Papa, Pesi, mo e to'uako 7580 'i he fakahoko 'etau fo'i tau'olunga, pehee ki he kau fefine tokolahi pe, Pelepetua, Lusia, mo e kau Tangata'eiki hange ko Dr. Talia'uli, Toliseli, ko Malupo, ko Tavase, Tu'uhoko ki Langi, mo e ni'ihi tokolahi pe koe kau Kolisi Tutuku mo e kainga 'ofa pee. 'Oku ou fie fkafofonga'i atu mei he Palesiteni mo e Ako Tutuku 'Apifo'ou 'a e fakamalo loto ma'ulalo mo hounga'ia ki he folanima mo e faka'ata'ata taimi kamou me'a mai koe'uhi ko si'otau tokoua Pako tutuku ko Patele 'Alatini, neongo 'a e sopusopu 'a natula he efiafi ko'eni. 'Ikai ma'u ha lea fe'unga ia ke fktataua homou taliangi mo e foaki ka 'oku tau fiefia pe ko 'etau foaki 'o hange ko e fekau 'o e foaki 'ofa kakato.
 
'Oku ou fie fakahoko atu 'a e ki'i ongoongo ko'eni ka 'oku ou fakatulou atu ki he tafa'aki kotoa 'oku totonu ke fakatulou atu kiai. Kuo pekia si'otau tokotaha na'a tau mo'ui mo ngaue pe moia pea 'oku ou tui 'oku mou mea'i pe he taimi ni. 'Oku ou kole homou hufaki kiate ia mo e kinautolu 'oku nau tautonu ki he pekia. 'Oku ou kole kemou kataki pe fakaongo mai pe he ngalu ki ha'atau fatongia fakaluukufua 'e si'i havilivili atu he matangi tonga. 'Oku 'oatu 'a e lotu mo e fie kaunga mamahi kiate kimoutolu ngaahi famili fekau'aki, pea pehe foki 'ofa kenau toka 'i he fiemalie 'a e 'Eiki.
 
'Oku ou kole fakamolemole atu kiate kimoutolu kau kolisi tutuku kemou mea'i 'a e ngaahi me'a ni, ko e folau ki Tonga 'oku fiema'u 'aupito ho'o kau mai ki he ngaahi me'a 'a ia 'oku fakahoko he ngaahi teuteu ki he folau ki Tonga 'a ia ko e ongo me'a mahu'inga ko e faiva mo e hiva. 'Oku ou ke i kole mamahi pe kiate kimoutolu 'a ho'omou kau mai kapau na'e 'ikai keke mahu'inga koe he'ikai teu toe fa'a kole mo kolea ho'o kau mai. 'Oku ke mahu'inga pea ko e 'uhinga ia 'oku 'ikai tuku ai hono faka'ilo atu kemou me'a mai, mou me'a mai 'o kau ke 'aonga ho mahu'inga ki he katoanga.
 
Na'e me'a atu 'a e Palesiteni ki he Katoanga 'a NZ pea kuo ne taufonua mai pea 'oku fiefia 'i he ngaahi a'usia kuo ne ma'u mei he afuhia 'o e tapuaki 'o e 125 'oku tau fononga'ia. 'Oku 'amanaki ke fakahoko 'a e Kolisi tutuku 'Amelika 'i he uike 'uluaki 'o Sepitema pea ketau lotu pe kenau ma'u ha katoanga lelei foki.
 
'Oku lahi pe ngaahi me'a ke fkhoko atu ka 'oku ou tui 'oku fe'unga 'eni ki he Monday ka mou hanga atu ki ho'omou ngaue mo e fanau ki he ako. 'Oku ou kole fakamolemole atu 'i ha tonounou pea fakatauange pe kemou ma'u ha uike ngaue faka'ofo'ofa foki. Mou me'a aa malo 'a e ma'u taimi.
 
Si'oto'ofa atu mo e hufaki
Komiti Kolisi tutuku 'Apifo'ou