News Highlights
Manatu Melie to'uako Sangato Petelo Sanele Ko e 'amanaki ko 'eni ke fakamanatua 'a e siupeli koula 'o e Kolisi Sanele 'i Kelana 'oku to e fakamanatu ...Readmore


School
Me'a'ofa 'a Apifo'ou mo e 'u Ako Katolika Ko ha ngaahi ‘ata ‘ena mei he foaki me’a’ofa ‘a ‘Apifo’ou mo e ngaahi ako Katolika ki he Tama Tu’i ko Siaosi Tupou V. ...Readmore


Catholic World-wide
ADDRESS OF HIS HOLINESS BENEDICT XVI ... ADDRESS OF HIS HOLINESS BENEDICT XVI TO THE FRANCISCAN FAMILY ...Readmore


Komiti Ngaue Vahaope
Falelotu Malia (Tupu) 'Imakulata 'Oku ho'ata mai 'e he Falelotu Faka-'Epikopo ni 'a e faifio 'i he 'akiteki pe sipinga tufunga ...Readmore

Home arrow Dictionary arrow Hulohula Toho 87-97
Hulohula Toho 87-97 PDF Print E-mail
Written by Chris Hingano Kaitapu   

apifoouhomepage.jpg 'Oku ou fakafeta'i ki he 'Eiki 'i he fakakoloa 'o tau kei ma'u 'a e mo'ui 'i ha tu'unga 'oku tau..

 

Si'oku kaunga fononga,
Si'oku kaungame'a Ako Tutuku 'Apifo'ou,
 
'Oku ou fakafeta'i ki he 'Eiki 'i he fakakoloa 'o tau kei ma'u 'a e mo'ui 'i ha tu'unga 'oku tau kei malava pe ke fakahoko lelei pe hotau ngaahi fatongia faka'aho 'i he mo'ui. Fakamalo atu kuo lava atu 'a e 'uluaki 'aho 'o e uike, ke ke tokanga makehe ai ki si'o ngaue, famili, mo e ngaahi me'a mo e ngaue faka'api foki, 'oku lave'i pe he motu'a ni 'oku fiema'u pe ke palanisi 'a e ngaahi me'a 'oku tau fepikipiki'i kiai koe'uhi ko hotau ngaahi ngafa kehekehe pe. Fakamalo atu 'i he kei ma'u ivi, kei ma'u ha nima 'oku fiefoaki koe'uhi ko e ngaue ko'eni pea fakahoko mo e loto fiefia pe pea ko e ngaahi me'a 'eni 'oku taliunga mai ka 'oku mou kei fietongia pe ke fakahoko.
 
Ko e vaka 'ee 'oku lele pe pea 'oku lele pe mo e fisikihina pe naua mo e ta'ili'ili mai hono kaupeau ketau fakama'uange kiate ia he 'oku fou mai pea tuhu pe mo lele ki Tisema. Ko e to'u 1987 'eni ki Onopooni, 'oku ne kole mo tangi atu ki he uike ko'eni ko ha ki'i 'utoni kafa ke fakama'anu'aki 'a homau vaka ki he Katoanga fakahisitolia 'oku tu'ulaa mai mei mu'a na. Ko e to'u pioneer 'eni 'o hota 'Apifo'ou ko e to'u 'eni na'e fakataha'i mo fakama'unga kotoa ki ai, 'a e 'Apifo'ou motu'a "hoko mai ho pule'anga", 'a e Sangata Malia "Ke fakahoko pe me'a 'oku ne folofola mai 'aki" pea ko 'etau "tau paui'i 'eta tui" 'i hota St John ke fakahoko pe. 'I he lolotonga ni kuo fakataha'i mai 'a e ngaahi vilitute ko ia 'o fakakakano taha "ke hoko mai ho pule'anga". Ko ho'o laukau, fakalaulaupisi, ko ho'o 'ofa fakafa'ee-vale-'ia-tama Sangata Malia 'ai ia he to'u ko'eni pea ke fa'iteliha ko e koe fa'ee. St John ko 'ena kuo ta toe Sila he 'akapulu ko e feitu'u 'eni te ta hanga ai 'o digest fakalelei ai 'a e ngaahi ongoongo fiefia 'o e Sila 'a e Kolisi lolotonga na'a ta fafanga fakauike atu mei Sene ni, 'ai ho fiefia he Sila 'o faa'ofua he feinga pa'anga ko 'eni ho ngaahi foha 87-97 ki Onopooni.
 
Ko e Maka Fakamanatu 'o e Siupeli ko e pole ia 'oku mau fakahoko pea 'oku 'ikai ha holonga ee toka 'a 'emau ngaahi la'i fohe ka ko e kole ho'omou tokoni ki he feinga pa'anga ko'eni ke fakakakato 'a e fatongia kuo mau muiaki ke hoko ko e fofonga 'o kitaua 'Apifo'ou ki he hako tupu 'o e kaha'u mo e 150 mo e hokohoko atu. Taka tu'u mai ko e ngaue ke fakatoka!! takatu'u mai ko e ngaue ke fakakakato!! taka tu'umai tama ko e ngaue ke foaki!! Tauhi ma'ae hala Fatima mo e Lalo Kasia ko 'Apifo'ou.
 
 
Ko e ha pe ta'ahine mo e tamasi'i 'Apifo'ou ho 'ofa me'a ange koe, ka 'oku 'ikai ha ki'i tenali me'a ange ko e he 'oku fiema'u ange ho fofonga mo ho sino 'o koe ketau femataa'aki, pea feohi pea teke lava 'o mataa tonu ai he feohi'anga 'a e uhinga 'o e 'Apifo'ou mo e Katoanga 'oku tau teu kiai. Malo fau homou me'a mai ki he fatongia ni pea kataki pe kau taki hoku to'u ni na'a 'oku te ala fakamafutofuta ki ho'omou fatongia ko hala lalo uaea, kae tuku ke u kau atu pe he ngalu hono aoao atu e misi ki he 'ovava, na'a ma'u pe hatau lata.
 
Fakamonu'ia atu Lopisoni Veamatahau, 'Ofa Langi, Heuifanga Lavaka, Telesia Kauhalaniua, NAati Petelo Kupa, Fio Sakisi, Suli Teu, Sitani Mafi, Lemoto Langi, kau ma'u lakanga mo e toenga 'o e to'u ki he feinga 'oku fakahoko.
 
 
Si'oto'ofa atu mo e hufaki
Chris Hingano Kaitapu
  
 
 
< Prev   Next >

volunteer1.gif

 

 

 

scholarshipfrontimage.jpg

 

scholarshipidonation.jpg

<
 

Warning: Unknown: open(/home/users/web/b2606/nf.voiceoftonga/public_html/cgi-bin/tmp/sess_9f04b234a163eb976cfad7afd24c2160, O_RDWR) failed: No such file or directory (2) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/home/users/web/b2606/nf.voiceoftonga/public_html/cgi-bin/tmp) in Unknown on line 0