Catholic Schools Catholic Ex-Students Siupeli 'Aositelelia & 75-80 Malo! | Siupeli 'Aositelelia & 75-80 Malo! |
|
|
|
| Written by Elizabeth Tu'itavake | |
 Ne 'ikai pe ke ngata he lava lelei mo e ikuna kafakafa fau 'a e Katoanga Siupeli
'a e Kolisitutuku 'Apifo'ou 'Aositelelia, ka ne to e fiefia lahi foki mo e To'uako 75-80 he lava lelei mo honau ngaahi ngafa, talu mei he kamata ki he aofangatuku mo e matuku 'a e katoanga. 'I he efiafi Falaite he kamata 'a e katoanga, ne fai ai 'e he 75-80 'a e talitali kokiteila he 'osi 'a e misa fakaava, 'a ia ne fai 'i he Kominio Lewisham. Ko Fr Soanemata Lomu mo Napoleone Falakiko ne na Fakaafe Fakalangilangi. Ne fakafuofua ki he toko 300 tupu ne nau tefua he misa ni, neongo 'ene 'uha lahi toho, ka ko e laumalie 'o e fiekau he lau mo e lau he kau ne ne kei fakalotoa pe fu'u kakai ni kenau fakataha ki Lewishham. Ne maau foki he kokiteila ni 'a e fa'ahinga 'o e uaine kehekehe, ti, kofi, mo e fa'ahinga kehekehe 'o e me'ainu mo e me'a okoni kokiteilapea. pehe foki ki ha tepile me'atokoni to'o ma'ama'a ki he ongo Fakaafe Fakalangilangi mo e kau fakafe katoa. Ne kau 'eni ha feohi fakalata mo'oni he ne hanga 'o fofoa'i 'a e mafana mo e malie 'o e katoanga mahu'inga ni. Ne 'i ai 'a e kau memipa e tou'ako 75-80 hange ko e 'Atonio Jennings, Hafoka Pahulu, Sesilia Valu, Monalisa Tevita, Lavinia Tuitu'u, Vialata Jennings, Pesi Kama, 'Ofa, Afu Malafu mo Sitela Malafu, Brenda 'Ofa Heffernan mo 'Elisapesi Tu'itavake.
'I he Katoanga lahi 'o e 'aho Tokonaki he laka pongipongi 'i hono fakaava, ne taki laka ai 'a Malia Lolini (Loupolo) 'Akau'ola SIASAU, pea to'o fuka 'a e ongo fo'i star ko ia ko 'Atonio mo Velata Jennings. Pea ne toki hoko atu ai 'a e Dux ko ia ko Afu Malafu, pea mo e toenga 'o e kau memipa. Pea ne to e lava pe mo e pola me'akai 'e ua he 'aho Tokonaki ki hono talitali lahi 'a e kau fakaafe mo e kolisitutuku ne lava mai mei he 'u siteiti kehe, ne to e teuteu pe mo ia 'e he to'uako 75-80 ni.MALO !!
Ne kau atu foki ki he To'uako ni honau kaunga ako ko ia ko Siosiua Lafitani Tofua'ipangai, 'Amasia mo Sofia Lafitani Tofua'ipangai, Soakai mo Melesete Tai mei Kenipela, pea pehe kia Tania Tuima mo Fehoko Vaihu mei Melipoane. Ne tatuku 'aki 'a e feohi fakalata ni 'a e Ball lahi fakatefisi, pea ne fai ai 'e Siosiua ha fo'i tau'olunga 'i hono saliote afi !! Pea poupou mo tulafale katoa atu ki ai e to'uako ni 'o taki ai 'a e Palesiteni James Falekaono mo hono Tokoni Sepa Taulanga pea mo e toenga e hou'eiki fafine mo Seniale Taueli, pea ko e fakamafana lahi, pea ne ma'u ai ha $800. 'I he pongipongi Sapate, ne to e fai ai ha misa aofangatuku mo e fakamavae, pea ne fai he komunio Aurburn, 'o kamata'aki ha Fakataha 'a e Kolisitutuku, pea toki fai 'a e misa. Pea ne fai foki mo ha to e feohi fakamalo mo fakafiefia he 'api 'o Fr 'Alatini Kolofo'ou, pea toki matuku 'o e Komiti mo e toenga 'o e kau kolisitutuku. KUO LAVA PEA LAVA LELEI 'A E FATONGIA !!! |
| < Prev | Next > |
|---|
|
||
|
||
