| Kau 'Angelo mo e to'u ako 75-80 |
|
|
|
| Written by Angaaekolo Moleni Sime | |
|
Na'e lava lelei ai pe 'ae hulohula ko ia 'a e to'u ako 75-80 'ae kau 'angelo LA 'i he po Tokonaki kuo 'osi, 26 Tisema 09,'i he Knott's Berryfarm Hotel 'i Anaheim. Na'e fakafiefia mo fakamafana 'a e ngaahi tau'olunga mo e ngaohi tokoni na'e fai 'i he po koeni.Na'e talitali fiefia 'e he to'uako ni mo e palesiteni, Sosefo Paengahau Mailangi 'a e si'i ngaahi maheni mo e kainga ne nau me'a mai ke tokoni ki he feinga pa'anga ko ia na'e fai hono talaki. Na'e me'a foki heni 'a Patele Mikaele 'Oto'ota pea mo e konga hono kainga ,'a ia na'a ne 'a'ahi mai ki ai 'o ki'i malolo kilisimasi. 'Oku 'oatu ai ha fakamalo ki he to'u 72-73, Kilisitina Tomu, Falakiko Lebas pea mo 'Etimoni 'Oto'ota 'i ho'o mou tokoni ki he'etau ngaue. Pehee foki 'a e fakamalo ki he to'uako 'oe 81-85,kia Vaka Tu'inukuafe pea mo Kolio Taulanga he tau'olunga'i 'a e "APIF'OOU". 'Oatu ai pe mo e fakamalo kia Lui Motuliki mo e to'uako 'o e onongofulu tupu, malo e tokoni. Pehe foki 'a e fakamalo ki he ngaahi kolisi tutuku kehe na'a mou me'a ange 'o tokoni ki he feinga na'e fai. Na'e 'i ai foki 'a e Pisope mo e kau kolisi tutuku 'a Liahona, pehe kia Kelemete mei Takuilau, Hauati Makakaufaki mei he kolisi Tonga(1967), pea mo Moala ko e fakafofonga 'o e Tonga High School. Na'e lava lelei ai pe mo ha ngaahi faiva mei Hawaii, Samoa, Tuvalu, etc., pea mo e ngaahi 'otumotu kehe 'o e pasifiki, malo e faiva. 'Oku 'oatu ai pe ha fakamalo loto hounga mo'oni mei he kolo 'o e kau 'angelo, LA, pea 'oku tau hanga atu ai pe ki he ta'u fo'ou mo ha to e ta'u ngaue 'e toe lahi ange. Fakamonu'ia atu ai pe 'a e ta'u fo'ou (2010) ki homou ngaahi famili takitaha. Faka'apa'apa atu mei he 75-80 'a e kau Angelo LA. kataki 'o kiliki heni ke sio ki he toenga 'oe 'u 'ata |
| < Prev | Next > |
|---|
