Home of the Tongan Catholic Schools Community

Na'e foaki atu 'a e me'a'ofa ni, 'a ia ko ha konga ngatu mo e sila 'o Tonga 'oku 'osi ta kupesi ai mo ha talamonu, 'i he katoanga fakafiefia e ngaahi ako ne fai 'i he Mala'e Teufaiva he lolotonga e Hilifaki Kalauni 'o e 2008. Pea neongo ko e ouaua 'eni he ta'u kuo'osi, ka 'oku ne fakamanatu mai 'oku ai e taimi mo e feohi'anga 'oku mahu'inga ai e ngaue mo e fakafotunga fakataha 'a e ngaahi ako Katolika katoa, tuku kehe ange 'a e fiema'u kenau taki taha fai pe 'ene langa ngaue fakataautaha.

Ne ‘ikai foaki me’a’ofa katoa e ngaahi ako kolisi mo e haisikulu ‘i Tonga, ka ko e ngaahi fuofua ako pe ‘e tolu ne fuofua fokotu’u, ‘a ia ko e Kolisi Tupou, Kolisi Tonga pea mo e Kolisi ‘Apifo’ou. Pea kau atu ki ai mo e Ako Ma’olunga ‘o Tonga he ko e maa’imoa ako ‘a e La’a kuo Unga Fonua, Taufa’ahau Tupou IV.

Ne faka’ofo’ofa ‘a e fakafofonga’i ‘a ‘Apifo’ou ‘e he kau fkfofonga mei kolisi lolotonga pea kau ki ai mo e kau fakafofonga mei he ngaahi ako Katolika ‘i Tongatapu katoa. Hange ‘oku ‘asi atu he ngaahi la’i ‘ata ni, ne fakakau katoa, he ko hono mo’oni ko ‘Apifo’ou ‘a e mu’aki kolisi ne ne fakafofonga’i mo tataki mai e ako ‘i he histoliae Siasi talu mei he hake ‘a e lotu Katolika Loma ‘i Tonga.

Tuku kehe ange ‘a e ako faka’atamai mo fakatekinikale ‘a e hou’eiki fafine Katolika ‘a ia ne fa’a ‘iloa pe ko e Ako Popi.

Ko ‘Apifo’ou ‘a e tamai mo e fa’e ‘a e ngaahi ako Katolika, ‘i he ‘uhinga, ko e ‘apiako Kolisi ia ne fuofua fokotu’u, pea ko ia ne ene fanau’i mai e toenga e ngaahi ako’anga Katolika ‘i Tonga.

Ka ko e me’a manumanumelie taha ko hono fakakau ko ia ‘a e ngaahi ako Katolika katoa ‘i he tuku me’a‘ofa ko ‘eni ki he tama Tu’i. (‘oku ai mo e ngaahi vitio ‘o e tuku me’a‘ofa ni ‘a ia ‘e toki uploaki hake mo ia)

Ko e konga ngatu 'a e me'a'ofa ne foaki ma'ae Tama Tu'i.

Ko e Motu'apuaka mo e ni'ihi 'o e kau Matapule 'a 'Ene 'Afio.