| Fusifuka Kolisitutuku Komesiolo |
|
|
|
| Written by Komiti Vahaope | |
 'Oku tatau mo e ha 'a e fakatokanga'i mai 'e he'etau Komiti Vahaope kuo kamata fusi fuka 'a Lovina Tuita,
pea mo hono uiaki mo piuaki 'o e kau kolistutuku 'a e Komesiolo he 'api ko Sesemani 'i Fasi-mo e-afi, ke kamata hano fakama'opo'opo kinautolu ka e fofola e fala 'o alea e kaunga ako ni. Neongo ko e kamata ni 'oku tataki 'e he toko taha 'i he loto lahi mo e tui te tau kauala kotoa he fepoupouaki, ka ko e fakafiefia lahi ko e mahino he'ikai ke ne tuenoa he 'oku tau 'i vaahaope kotoa pe, he ko e kau ako Katolika kotoa pe kitautolu, pea hange ko e folofola 'a Sesu he'ene folau 'i tahi mo 'ene kau akonga, "'Oua temou manavahe he kou 'i vaka pe." 'Oku mau kaunga kau kotoa atu ai pe he poupou mo langolango ki he fakaafe ko 'eni ki he kau kolistutuku Komesiolo kotoa pe, kemou me'a mo lava mai ki he vaka vavaa ni ke kamata hano fakatoka 'a e ngaahi ngaue ma'ae 'apiako ne mou 'ofa ai 'i he 'api ko Sesemani, pea 'ikai ke ngata ai ka ko e me'a mahulu ange kemou fetu'utaki mo feohi 'i he fiefia mo e melino, 'o to e fakamanatu 'a e ngaahi feohi vaofi mo fakalata 'i he kei ako. 'Oku mau talamonu katoa atu mo e 'ofa lahi.
Faka'apa'apa atu,
Tu'unga finematu'a mo e matu'a 'o 'etau Komiti Vahaope, ko e Komiti faifatongia pe ma'a kimoutolu katoa. |
