Home of the Tongan Catholic Schools Community

Ko ha misa faka'osi 'ena 'a Patele 'Aisake Vaisima, Faleola Vahe, Soane Kauhalaniua, M. Finau mo e toenga e

kau faiako mo e fanauako Kolisi 'Apifoo'ou, pea mo e kainga Palokia Tonga mo e Kolisitutuku Katolika 'i Kenipela. Ne uho 'aki 'a e fuo e Akonaki malie mo fakalaumalie 'a e Fr Vaisima 'a e kaveinga 'o e 'IO IO IO !! ki ha fa'ahinga ui pe 'oku fai kiate kitautolu, tatau pe ko hai 'o hange ko e ui 'a e ngaahi uafi ki he husepaniti, pea pehe ki he ui 'a e ngaue mo e fatongia ka fai ki he siasi mo e fonua.

Ko e fakapulipuli 'i he akonaki 'a Fr Vaisima, he ko e lahi ange 'etau tali 'IO IO ko e lahi ange ia hono fakaava mai 'a e misitelio fakaofo 'a e 'Eiki ko Kilisito ketau a'usia mo taukei, pea ko 'etau lahi tali 'IKAI pea ko e si'isi'i ange ia 'etau mata mo siofia e ngaahi ngaue mana mo e fakaofo 'a e 'Eki mo 'etau Fa'e 'Ofeina ko Malia.

Ne 'osi 'a e Misa pea ne fai ha talitali faka'osi mo fakamavae 'a Supileo (Plaesiteni Kolisitutuku Katolika Kenipela), pea mo hono Uaifi ko Kasinga Fotu pea mo e famili 'a e Fr Vaisima mo e kau folau pea toki fai 'a e fakavetevete ngata'a mo e lo'imata 'a e feohi mafana mo e si'i fanau, pea ne nau fononga atu leva ki Sene 'o hoko atu ai 'enau feiinga pa'anga kimu'a he Kilisimasi 2008.

Ko e Tauhi e Palokia Kenipela ko Soakai Afeaki, pea ko e Pule Ngaue ko Falakiko Sevele. Pea ko ha fiefia lahi e Palokia ni mo e Kolisitutuku he feohi fakamafana mo vetengata'a ko 'eni, pea kuo puli atu 'a Fr 'Aisake mo e kau folau, ka 'oku kei vanavanaiki  e hikuhikule'o 'ene akonaki, pea mo 'enau faka'ali'ali mo e koniseti fakamafana mo fakaonopooni 'i he ngaahi loto fale 'o e Palokia mo e Kolisitutuku pea pehe ki he toenga 'o e kainga Tonga 'i Kenipela, 'a ia ne fakahoko he kau Ifi, Faiva pea pehe kia Paula Vi mo hono hoa ko Ledger 'i he ngaahi tukutukulaumea malie fau ki he to'ongapo 'o e ngaahi 'aho.

Kuo nau 'osi foki ki Tonga, pea 'oku 'i ai pe 'a e fakatauange 'oku nau lolotonga ma'u ha malololo lelei, mei he fu'u ngaue lahi mo kafakafa fau ne nau feia, he 'oku 'ikai ko ha me'a si'i, ka ko e fononga fakapaea pehe holo, 'o fakahemata ke ma'u ha tokoni ki he langa e Lalo Kasi pea mo e teuteu sipueli siliva, hili 'enau foaki mo'ui kafakafafau mo huluatu 'i he fai li'oa.

Tau fakamalo lahi he ikuna lahi mo faka'ofo'ofa kuo fai 'e Fr 'Aisake pea mo e Tokoni Puleako Faleola Vahe, pea mo'oni 'ene faka'anaua ''a e kaveinga folau ne fakakapasa'aki 'a e Tua ni, KO E HA PE , KO IA PE, MALO' 

(Faihiva ko Soane Kauhalaniua)

(Makisi Finau mo e kau Ifi)

(Faleola Vahe, Kau Faiako mo e Fanau Ako)

(Fr 'Aisake Vaisima mo Moeakiola Tunitau ko e taha e kau Kolisitutuku) 

KATAKI KA MOU FIE SIO HE TOENGA E NGAAHI TA MOU TONGI HENI...