News Highlights
Manatu Melie to'uako Sangato Petelo Sanele Ko e 'amanaki ko 'eni ke fakamanatua 'a e siupeli koula 'o e Kolisi Sanele 'i Kelana 'oku to e fakamanatu ...Readmore


School
Me'a'ofa 'a Apifo'ou mo e 'u Ako Katolika Ko ha ngaahi ‘ata ‘ena mei he foaki me’a’ofa ‘a ‘Apifo’ou mo e ngaahi ako Katolika ki he Tama Tu’i ko Siaosi Tupou V. ...Readmore


Catholic World-wide
ADDRESS OF HIS HOLINESS BENEDICT XVI ... ADDRESS OF HIS HOLINESS BENEDICT XVI TO THE FRANCISCAN FAMILY ...Readmore


Komiti Ngaue Vahaope
Falelotu Malia (Tupu) 'Imakulata 'Oku ho'ata mai 'e he Falelotu Faka-'Epikopo ni 'a e faifio 'i he 'akiteki pe sipinga tufunga ...Readmore

Home arrow Dictionary arrow Kalaniuvalu-Fotofili Cultural Centre
Kalaniuvalu-Fotofili Cultural Centre PDF Print E-mail
Written by Komiti Vahaope   

p8060123.jpg  'Oku mahu'inga 'a e kei tu'u mo ma'u ha ngaahi falelalava Tonga motu'a 'i ha 'apiako 'i Tonga,

hange ko e Kalaniuvalu-Fotofili Cultural Centre ko 'eni 'i Takuilau College, he 'oku ne fakamanatu mai 'a e taukei tufunga lalava 'a e Ha'a Tufunga Lalava 'o ono'aho, hange ko Tamale mo hono hako mo e ha'a 'i Niutoua.

'Oku fakamatala 'o pehe, ko Tamale kuo pekia  mo hono hako ne nau lalava 'a e Falelalava ko 'eni, pea ne fakahingoa kia Kalaniuvalu-Fotofili Ngalumotutulu kuo ne pekia, pea neongo 'oku 'alu ke motu'a e falelalava ni, ka 'oku kei 'ilonga pe hono ngaahi lalava kula mo e 'uli, 'a ia ko e lanu tefito ia 'o e tufunga lalava 'a e kakai Moana pe Tonga, pea ne toki hanga leva he 'uluaki lalava 'uli mo e kula 'i loto 'o fanau'i mai e ngaahi kupesi kehekehe 'oku lava ketau sio ki ai mei tu'a.

'Oku mahu'inga lahi ke tokanga'i 'a e Senita mahu'inga ni, he ko e falelalava motu'a 'i ha fotunga faka-Ha'amoa mo faka-Tonga, pea to e fale 'oku tau hingoa ki he 'Eiki Lahi mo e Nopele ko e 'ulu 'o Kauhala'uta mei he laine 'o Ha'a Tu'i Tonga. 'Oku kamata foki ke motu'a e falelalava ni, pea 'oku ai e ngaahi mata tulutulu kuo 'osi 'asi 'i hono 'ato, ka ko e fuo pe fotunga e fale ni mo hono uho 'oku kei faka'ofo'ofa pe. 'Oku to e ai foki mo e ngaahi tatongitongi, 'a ia ko e ngaue 'a e kau tufunga tatongitongi, 'i he fale ni, 'oku 'asi atu 'i hono ngaahi pou. 

'Oku ngaue'aki foki 'a e falelalava pe Senita ni ki he ngaahi ouaau lotu mo e misa, katoanga pe ouau fakafonua, pea mo e fakataha'anga lalahi 'a e kolisi ni mo e fanau ako, pea pehe mo e matu'a tauhi fanau. Pea 'oku to e tu'u lelei foki 'a e Senita ni he 'oku hanga fakahihifo atu ki he mala'e va'inga 'o e kolisi, pea kehe atu foki 'o 'ikai fai ha lau kovi ia ki hono 'ea hauhaufano mokomoko fakangalongata'a.

'Oku 'i ai pe 'a e faka'amu, ke lava 'e ha kolisitutuku Takuilau 'i muli, pe ngaahi ako Katolika, 'o tokoni'i fakapa'anga ke lava hano fakalele'i 'a e Kalaniuvalu-Fotofili Cultural Centre ko 'eni. Na'e langa foki 'a e senita ni ko ha ola 'o ha feinga pa'anga lahi 'a e matu'a tauhi fanau, kau poupou mo e kolisitutuku Takuilau 'i he 1984, 'a ia ne 'iloa 'aki 'a e hingoa ko e, 'Pulu e Tuku'. 

 

p8060123.jpg 

 

 

 

 

 

 

 

 

 

 

 

 

 

p8060159.jpg

 

 

 

 

 

 

 

 

 

 

 

 

 

 

 

 

p8060124.jpg

 

 

 

 

 

 

 

 

 

 

 

 

 

 

p8060120.jpg

 

 

 

 

 

 

 

 

 

 

 

 

 

 

 

p8060115.jpg

 

 

 

 

 

 

 

 

 

 

 

 

 

 

 

 p8060121.jpg

 

 

 

 

 

 

 

 

 

 

 

 

 

 

p8060122.jpg 

 

 

 

 

 

 

 

 

 

 

 

 

 

 

 

p8060114.jpg 

 

 

 

 

 

 

 

 

 

 

 

 

 

p8060116.jpg

 

 

 

 

 

 

 

 

 

 

 

 

 

 p8060113.jpg

 

 

 

 

 

 

 

 

 

 

 

 

 

 p8060101.jpg

 

 

 

 

 

 

 

 

 

 

 

 

 

 

 

 

 

p8060098.jpg

 

 

 

 

 

 

 

 

 

 

 

 

 

 

 

 

 

 

 

 

 

 

 

 
< Prev   Next >

volunteer1.gif

 

 

 

scholarshipfrontimage.jpg

 

scholarshipidonation.jpg

<